這份教學設計方案是以台南的安平港為主題，藉著詩歌的朗讀、配合趣味的問答佮搬戲活動，予囡仔會當了解安平港的歷史佮現況。課程內底，由一首台語詩＜安平港好 迌＞當作主要的課文，予囡仔會使對朗誦當中了解安平港，並體會台語詩歌之美。嘛有對課文內底揣一寡語詞予囡仔練習，教亻因台語的拼音，認捌台羅音標。另外，課程中嘛有配合這个主題安排戲劇教學，予囡仔家己編劇、家己演出、家己評分，鬧熱閣趣味，予上課更加心適。教學了後，大部分的囡仔攏感覺真趣味，尤其對搬戲這項活動上蓋有興趣，雖然亻因毋是專業的演員，演甲無界好，毋過藉著戲劇的表演，逐家攏更加了解安平港。時間無夠是一个缺點，後擺會使共時間安排較長咧。用在地語言教在地文化是一件足有意義的代誌，嘛是這份教案設計的主要目的。
修改日期：2022-02-14
